BAHARİYE

1-Oldi Suvâr-ı esb-ı tek û tünd yaze gül
Azm itdi yine mesned-i gerdûn-firâze gül

2-Rengîn kabâ-yı nâzı giyüb ğenc ü nâzile
Saldı hazâr lâleyi sûz û gudâze gül

3-Açsa bana sana olamaz râz-ı perdeden
Ancak görür sabâyı revâ keşf-i râze gül

4-Güm güm öter sadâ-yı tarabdan nitâf-i çarh
Kim raht-i nâz çekdi sarây-ı cehâze gül

5-Baş eğdirir benefşeye bi’ttav, câbecâ
Saldıkça nazara mahfil-i sâmân û sâze gül

6-Yâ Rab, ne bu tarâvet û revnak ki gülşenin
Düşürdi bîd-i müşkini hâk-i niyâze gül

7-Summ-i semendi her nere irse nemâ bulur
At oynadır mehâfil-ı sahrâ-tirâze gül

8-Sürdi çıkardı sâhe-yi gülzâre yek beyek
Aldı şükûfe ceyşini pîş-i gevâze gül

9-Döndi tolaştı âlem-ı bâlâyı subesu
Ahır karar virdi yine taht-ı nâze gül

10-Nakd-i revânı makdemine idelim nisâr
Bakmaz fakirden gelene çoğe aze gül

11-Sahn-ı çemende bârgehin kürdi taze gül
Çekdi latif-i-ârız-ı gülgûne ğâze gül.