78-Âfâke açdı revzene gülzâr-ı saltanat
Saldı zemine tantana gülzâr-ı saltanat

79-Dârât û âb û tâb ile da’vâ-i fahr ider
Her ravza û nişîmene gülzâr-ı saltanat

80-Her nevbahâr ğâliye-i cânfezâ döker
Sahrâ û deşt û dâmene gülzâr-ı saltanat

81-Nole bizimde kılsa muattar dimâğımız
Esdikçe ceyb û mekmene gülzâr-ı saltanat

82-Gülşen küşâdelik bulamaz zîb virmese
Tomâr-fer mu’anvene gülzâr-ı saltanat

83-Bir ânde ordugâha çeker bin saff-ı çemen
Bir remz itse sûsene gülzâr-ı saltanat

84-Sûsen değildir ol görünen, hasmı men’içün
Dikdi silâhı cevşene gülzâr-ı saltanat

85- Günden güne tarât ü neş vü neva virur

Revnak-ı firûz gülşene gülzâr-ı saltanat

86-Her mâh û sâl bağçesi verd-i ter olur
Tab’ım açarsa bu sene gülzâr-ı saltanat

87-Virse bu kevne, tâze zeminde aceb midir
Ratbü’l-Lisânî elkene gülzâr-ı saltanat

88-Sahn-ı çemende bârgehin kurdi tâze gül
Çekdi latîf-i-ârız-ı gülgüne ğâze güI