67-Nevrûz şimdi âleme Pertev-nisâr olur
Evrenk û tahtgâh-ı çemen lâle zâr olur

68-Lazha belahza raşha-ı ebr-i bahardan
Mehd-i zeminde nâmiyeler âşikâr olur

69-Cemşid-fer mürebbi-i nev-i beşer eger
Bir nazra salsa bâğâ hemişe bahâr olur

70-Fiskiye-i avâtıfı ger sekî itmese
Gülzâr û gülistân-ı çemen huşksâr olur

71-Eltâfıdır ki şâhid ma’naya ân virir
A’tâfıdır ki cünbüş-i tab’a medâr olur

72-Âb-ı hayât û âb-ı zülâl olsa istemem
Hünkâr-ı âbî, şirin olur hoşgüvâr olur

73-Bir iki şeb nole, gicelensin o sâyede
Âb û hevâsı tab’a yarar âbdâr olur

74-Gülgûn-süvâr tab’a Kâğıdhânenin bugün
Sahrâ-yı dilküşâsı ise yine târ olur

75-Nazmım düşerse tab’-ı Hümâyûne dilpesend
Her bir kibâr-ı devlete bir yâdıgâr olur

76-Ol mutrib-i zamâne hôş âyendedir bu dem
Şimdi hezâr-i gülben-i gül vâyedâr olur

77-Sahn-ı Çemende bargehin kurdi taze gül
Çekdi latif-i-ârız-ı gülgüne ğâze güI